身材驕人嘅李曼筠（動漫Maggie）有日同小小So自爆，佢身材之所以咁「有料」，全因為佢媽咪都係有料之人，而且連細佬同老竇嘅身材都好好肉地！Maggie仲話第時揀老公都要揀個夠肉地嘅，有肚腩仔就為之Very Good，唔知呢啲係咪叫「物以類聚」呢？
小小So ：點解你身材咁勁？
Maggie ：我估除咗因為我成日食雞之外，最大原因一定係我媽咪，因為佢嘅上圍仲勁過我！雖然我唔知佢咩Cup數，但我好肯定我之所以咁大胸，一定係遺傳佢！
小小So ：我都知大胸呢啲嘢冇得勉強嘅！
Maggie ：但係有樣嘢好搞笑，就係連我細佬嘅胸肌都好勁！佢身體上有三舊肉都突出過人。
小小So ：你指嗰三舊肉係胸肌同腹肌？
Maggie ：唔係！係肚腩至真！佢之所以個胸咁勁，係因為佢係肥仔！不過佢依家勤力做運動，個肚腩就冇咁嚴重喇！仲有，我老竇都有個肚腩仔㗎！唔知係咪因為咁，所以我都鍾意啲有肚腩仔嘅男仔呢！