日本嚟嘅椋名凜（Rin）憑35E激凸身材，半裸「胸」贏貝安琪後，人氣急升兼成功上位，SoSo姐知道咁好「雙乳」嘅千金小姐唔係度度都有，雖然Rin肯搶肯做，要乘勝追擊，就真係要先學好「雙語」先得啦！
話說有次SoSo姐出席戶外活動，期間就不斷聽到Rin大叫：「好杰，好杰！」心諗佢半裸都冇有怕，仲有咩嘢咁「好杰」？SoSo姐仲一心以為有精彩場面，霸定頭位等睇戲，但過咗一輪都冇事發生，就忍唔住八吓Rin究竟有咩咁「杰」，Rin就解釋話：「香港好杰。」聽到SoSo姐一頭霧水，經過一輪英文對話之後，即時「嘰」一聲笑咗出嚟，原來佢想話香港好熱！
見佢雖然廣東話講得咁搞笑，但都仲咁有恒心學，SoSo姐就忍唔住教佢：「係好『熱』先啱！」好學嘅Rin即時多謝SoSo姐，仲好開心咁即學即講：「香港好孽！」聽到SoSo姐「O」晒嘴，睇嚟Rin都係要再努力學習囉！