Rainbow師妹Suey賣奶殺入港姐複試

文：影視組

Suey現職模特兒，其公司網頁有她的詳細資料。	「大隻石詠莉」順利進入複試！	「逼爆徐淑敏」

港姐複試今日喺電視城進行，據悉「逼爆徐淑敏」Grace、「Rainbow師妹」Suey同「大隻石詠莉」都可以順利入圍，佢哋同其他參賽者為數約四十人，除咗會進行度高、磅重及量度三圍資料外，仲要再着泳衣見評判，考驗儀態同智慧。

「Rainbow師妹」叫何雅靜（Suey），喺網上蹤影處處，「龍友」攝影討論區仲有好多佢嘅靚相！據網上資料顯示Suey大約21歲，身高約為170cm，三圍係34、25、35，身材平均，現時任職模特兒。「龍友」界仲稱佢為「模界周麗淇」，而Suey最近仲拍咗個三花奶粉廣告，賣「奶」又賣溫馨母女情！

「逼爆徐淑敏」獲睇好

另外，無綫尋日發放由鄧達智、Rick Chin同黃德斌等星級名師同藝人喺首輪面試為參賽者影相嘅作品。星級化妝師Rick Chin接受電話訪問時，被問到對邊個參賽者印象最深？佢話：「你哋話似徐淑敏嗰個囉！第一眼見佢（指Grace），老實講覺得佢唔OK，覺得佢好緊張、化妝又麻麻、着衫又太過Casual，但係睇相就發覺佢嘅輪廓係好靚嘅，只係用錯方法，經過大會嘅指導就會唔同晒。」