汪明荃、杜汶澤（阿澤）、何韻詩及吳卓羲昨日為無綫新劇《女王辦公室》試造型，阿姐更電曲秀髮，她坦言老公羅家英不在香港，仍未看過其新Look。阿姐拍劇出名要求高，最憎人開工遲到，首次參與無綫劇的阿澤表示不擔心：「我係老人家，慣咗早起身！（同阿姐合作壓力大？）大家應該當佢少女看待，要尊重同欣賞佢，咁就唔會有壓力！之前同Kama拍戲我都尊重佢，依家就當同Kama合作囉！」
至於近10年沒有拍劇的阿詩透露，劇中與阿澤飾演情侶，但因為與他太熟，令她有亂倫感，亦抗拒演親熱戲：「不過我哋會敬業，有嘅都會照做！」
