本文重點
鄭希怡、泳兒、陳偉霆及鍾舒漫昨日為《英皇娛樂10周年回顧展》布置場地，他們親手為謝霆鋒公仔裝身，陳偉霆百厭整蠱鄭希怡，意外拍打「小霆鋒」！
鄭希怡（Yumiko）、陳偉霆（William）、泳兒及鍾舒漫（Sherman）昨日在屯門巿廣場為今日揭幕的回顧展進行布置，展品包括各人的歷年廣告相、舞台戰衣及獎項等，回顧展將於今日至31日予巿民參觀。四人拿出獎項，期間William竟粗手粗腳將獎項上的水晶球整甩，嚇到面青的他仍死撐說：「冇所謂，個獎係Sun Boy'z嘅！」不過記者發現獎項實屬Twins所有！
另外，四人又為容祖兒及霆鋒的公仔模型着衫，本來Yumiko一心保護赤裸裸的「霆鋒」，遮掩其重要部位，不過就被William將手按下，變相拍打「小霆鋒」！當三女為「霆鋒」着上蛤乸衣時，William不但袖手旁觀，還吩咐泳兒幫「霆鋒」拉拉鏈！Yumiko見到William的相片時不禁送吻，令William興奮不已，十分搞笑！
泳兒難為了媽媽
回顧公司發展，身為師姐的Yumiko感受較深：「我00年簽約，02年出道，估唔到咁快就10年！」至於William自爆歌衫唔見得人：「因為着完冇洗就放番入櫃，勁臭！」而剛搬了屋的泳兒坦言，籌備展覽辛苦了媽媽：「啱啱將啲獎放咗入貨倉，辛苦媽咪又去拎出嚟！」至於Sherman則透露獎項由媽咪打理。
文：音樂組
攝：謝國華