父子生疏任賢齊囝囝唔畀抱

任賢齊（小齊）前晚與王菀之為TVB8舉行音樂會，提到下月的父親節，他坦言當日有工作在身：「之前囝囝唔認得我，唔畀我抱，父親節只要佢叫我一聲爹哋已經好好，唔好叫我Uncle。」對於豬流感肆虐，經常周圍飛的小齊特別注意衞生，回家前都會在寓所會所進行徹底清潔才入屋，認真細心！

其後，小齊趕到紅館支持台灣天團五月天的演唱會，甫出場即與五月天各位成員擊掌，六人合唱兩首快歌，帶領全場觀眾High爆狂跳及玩人浪，非常瘋狂！