周麗淇（Niki）日前錄影《農夫小儀嬉》，主持農夫及小儀給她20元購買玫瑰花、魚蛋及椰汁等，更預先與各店老闆夾計留難她，但Niki最終成功冧掂各店老闆，更在椰汁店幫手劈椰子及榨椰汁，倒賺數十元！事後她說：「雖然好熱，但真係好好玩，好似喺日本榨牛奶咁！」她還得戚地說：「頭先行過檔口，有個老闆仲送咗對拖鞋畀我添！」
此外，Niki昨日接受電台訪問，自爆將與姊姊周汶錡亮相《美女廚房》，問到會否擔心主持邀鄭嘉穎做評判，她反應頗大地說：「啋！唔好囉！（可能要你摸蛇？）黐線！」席上，她獲贈「恨嫁四寶」，其中一寶是教人提防小人的書，希望她將來提防狐狸精，她笑說：「好搞笑，最好唔好滾！」另外，對於有報道指有男星召妓，她說：「冇真實證據，影響到人唔係咁好。（信唔信有男星咁做？）咁私人嘅嘢，我唔知。」
