壽星仔Wyman前晚與好友對着280度無敵海景舉行自助餐派對，玩得相當盡興！昨日他接受電話訪問時興奮地說：「40歲仲有好多嘢未做，好怕冇時間。（邊個搞？）我自己搞，人生中好少搞生日，但今次40歲，所以要大搞。」他當晚穿上Givenchy螢光粉紅西裝出席，「螢」爆全場，他笑說：「生日梗係着靚啲啦！（咩造型？）浮誇造型，當自己開演唱會一樣！（朋友都好靚？）個個着衫都有功力。」談及生日願望，他希望人生更積極，問到為何不見其同性密友現身，他幽幽地說：「我生日呀！可唔可以唔好講呢啲嘢？（仲未搵到？）如果係祝福我嘅，我都好開心。」
至於有份到賀的何超儀則表示，還未找到合適的生日禮物：「我想搵啲有意義嘅嘢！上世紀嘅潮人，今世紀聚首一堂，祝佢可以一路潮落去，愈潮愈爆！」
