本文重點
同樣已婚的陳奕迅（Eason）與謝安琪（Kay），因相擁眉來眼去而傳出「友情大躍進」，有指「神嫂」徐濠縈對老公的緋聞有微言。未知是否要以「正」視聽，阿徐前晚身穿大低V及大露背的「勝利」晚裝，出席好友黃偉文的生日派對，實行前後夾攻向Kay示威，上演正印反擊戰！
文：專案組
攝：追蹤組
前晚是潮人兼著名填詞人黃偉文（Wyman）的40歲生日，其好友Eason、阿徐、容祖兒、何韻詩、何超儀、陳子聰、劉浩龍、黃耀明、余文樂及蘇永康等，悉心打扮出席在尖沙咀半島酒店舉行的生日派對，其中Eason與阿樂更齊齊着裙，前衞有型！
早前Eason與同門的Kay在演唱會上態度親暱，不但相擁起舞，又深情對望合唱《沒結果》，被指友情「突飛猛進」！事後，有指阿徐對老公的緋聞有微言，未知是否要向Kay示威，前晚她特意穿上H&M X Matthew Williamson的大低V及大露背晚裝搶鏡，相當性感，與早前在演唱會上「賣大包」的潮媽Kay隔空交「峰」！派對結束後，她與Eason一同乘坐7人車離開，但全程刻意避鏡頭，與以往企定定任影唔嬲的態度有異。
「我靚咪靚囉！」
記者昨日致電阿徐，問到是否刻意以性感戰衣向Kay反擊，她哈哈大笑說：「我靚咪靚囉！使唔使諗咁多嘢？（傳佢哋撻着？）呢單新聞好搞笑，唔使問我喇！（你冇回應過？）呢啲炒作新聞，唔使回應啦！」她更自爆當晚真空上陣：「我冇黐膠紙，條裙冇改過，OK啦！黐咗膠紙反而冇咁自然，雖然坐低時會有危險，但全場都係朋友，唔使太避忌。」