蔡依林被笑口狗搶鏡

因為腰傷而暫時「封舞」嘅台灣天后蔡依林（Jolin），今個星期日喺台北舉行首個慢歌演唱會，唔只全程唱慢歌，仲要坐住唱添！佢到時會唱10首歌，包括陳奕迅嘅《好久不見》、孫燕姿嘅《害怕》，仲有張惠妹每次唱都搞喊Fans嘅《我恨我愛你》。

見到愛犬「笑笑口」，蔡依林甜入心。

因腰傷而暫時「封舞」的蔡依林，首次開慢歌演唱會。

型着雙色絲襪

另外，Jolin早排推出嘅新碟《花蝴蝶》銷量好勁，今日仲推出「華麗蛻變終極版」，一向做事認真嘅佢，特登以全新造型影個新封面，以露肩Tee配搶眼雙色絲襪，不過，無論對紫黃雙色絲襪點出色，都唔夠「特別嘉賓」Whoohoo搶鏡！原來愛狗如命嘅Jolin，特登帶埋寶貝狗Whoohoo開工，點知佢喺布景板前擺甫士時，Whoohoo竟然跑去鏡頭前搶鏡，Jolin咪索性抱住佢影相囉！

「得米」嘅Whoohoo不時露出成功笑容，冧到Jolin甜絲絲，仲望住佢話：「這是誰養的狗？怎麼這麼可愛，好會笑喔！」梗係啦！可以日日夜夜陪住Jolin，當然幸福到笑啦！