剛拍完三部電影的陳偉霆（William），目前擔任電視節目《大咕窿》主持，7月將推出個人專輯，真的忙到透不過氣。現時不少歌手如林峯及黃宗澤都先後以「舞」作主打，問他會否擔心被比較時，他說：「香港市場細，跳舞歌手已經唔多，如果再用比較字眼，真係唔係好健康，大家都有進步空間。」有指他可接郭富城棒成為新一代舞王，William不諱言聽到這個稱讚十分開心，但城城在其心中是無法取代的。問到會否渴望與城城比舞，William說：「喺舞台上見過佢演出，真係冇得彈，我反而恨見佢揸車。」
對於經常被指整容，William坦言介意：「其實我呢半年係瘦咗，減咗20磅！（靚仔咗？）唔覺得靚仔！」至於與緋聞女友Angelababy的戀情疑幻似真，William再三強調二人是「好朋友」：「我好專一嘅！（傳其他緋聞？）唔想，希望大家留意我嘅事業。」