本文重點
蔡卓妍早前推出的個人處女大碟《二缺一》大獲好評，有望角逐今年女新人獎，不過出道8年的她耍手擰頭堅拒領獎。
蔡卓妍（阿Sa）首張個人大碟《二缺一》超越白金銷量，前晚舉行慶功Show，吸引逾百歌迷捧場，她一口氣唱出三首歌，並說：「其實要一個人出碟，真係好擔心同緊張。」其後歌迷即大叫「永遠支持你」，令阿Sa甜入心，最後更應歌迷要求Encore，期間不經意露出兩邊腋下的喱士Bra邊。
入「廚房」無期
阿Sa表示在經濟低迷的環境下，仍有如此佳績實在十分高興，為她注下強心針，她還打算請逾百同事到澳門旅行。問她何時上《美女廚房》，阿Sa說：「問公司啦！（想唔想上？）我話唔到事，我好忙！（冇誠意？）工作係幾個月或一年前排定！」問她若緋聞男友鄭中基親自邀請的話，會否有優先，阿Sa遲疑數秒才說：「問Mani啦！」而身旁的Mani即醒目地說：「訪問差唔多。」此時阿Sa乘機講「拜拜」，然後起身走人。
另外，問到會否角逐今年的女新人獎時，阿Sa坦言已出道8年，若再與一眾新人爭獎則會難為情：「啋！又係新人？唔得，點都唔做，冇可能啦！好難為情。（同容祖兒爭女歌手？）祖兒係唔能夠替代嘅位置，大家路線唔同，我唔會為唱歌而放棄電影，依家兩邊成績好滿意，唔使攞咩獎。」