周秀娜典床任影龍友峰狂

周秀娜（Chrissie）與嫩模陳麗玲（Norain）昨日為「Xbox 360 遊戲同人館」活動擔任示範嘉賓，出盡渾身解數鬥性感！Chrissie雖只身穿背心熱褲，但在床上打機時趴左趴右，大晒32D雙峰，現場不少攝影發燒友及圍觀者也爭着拍照，她亦任影唔嬲，十分識做。Norain趴在床上同樣甚有睇頭，只是Cup數不及Chrissie。

陳麗玲同樣性感示人，卻不及周秀娜吸引。

周秀娜趴床打機甚為性感，吸引不少龍友閃個不停！

無緣做Laughing嫂

提到樂基兒日前出席活動時被指不慎露點，Chrissie直言不怕會走光：「我已做足安全措施，打足兩層底，平時喺屋企都係趴喺度打機，今日瞓身支持！（趴低好緊張？）我只係怕瞓得唔夠靚。」記者發現其胸口有不少紅印，Chrissie解釋因趴在毛毛床上引致皮膚敏感：「試過敏感到化妝上唔到粉添！屋企啲公仔都唔會放上床。」

另外，Chrissie澄清未有為《Laughing哥前傳》試鏡︰「我冇試過鏡，亦冇收過通知話要拍，但我都好鍾意呢套戲，好恨做Laughing嫂！（怕唔怕要性感演出？）總之三點不露就得。」