【本報訊】 以往蘋果新iPhone都會掀炒風，今次推出的平價版iPhoneSE，中國內地及香港均是首賣地區，同樣在本月二十四日預訂、三十一日正式發售，究竟炒唔炒得起？

在玩3D遊戲方面，iPhone SE非常流暢。（布偉倫攝）

先達舖主：睇定啲

有手機店負責人認為，首日放機可賺約一千港元水位，以玫瑰金及金色64GB較受歡迎。他稱不敢大手入貨，要睇定啲。

香港先達廣場I世代電訊負責人姚進認為，本港近來經濟麻麻，今次蘋果推出平價機，三千多港元便有如iPhone 6s的功能，相信會吸引不少用家自用。

他預計，首日放機可賺一千港元水位，以玫瑰金及金色64GB較搶手。不過他亦未敢大手入貨，更不會如以往派員飛到澳洲率先搶貨，稱要睇定啲。對於香港售價較內地便宜，姚進表示內地客順道來港時才會購買，專登落嚟就車錢都蝕埋。