• 要聞港聞
  • 兩岸國際
  • 財經
  • 娛樂
  • goodlife
    • 足球員薪高糧準，球星身邊梗係大把女埋身，但相信冇乜邊個可以好似馬圖斯咁架勢，退役咁耐依然極有吸引力。佢喺2010年同第4任太太Liliana離婚後，早前向德國《圖片報》透露，決定第5度做老襯迎娶26歲俄羅斯索女友安娜絲達。咪以為馬圖斯已經53歲力不從心，查實佢依然有心有力，呢對情侶嘅愛情結晶品囝囝米蘭仲已經喺半年前出咗世添！馬圖斯早排接受《圖片報》訪問嗰陣，甜絲絲咁認會娶安娜絲達過門：「冇錯，我哋的確係計劃緊點搞個婚禮。我同未婚妻已經睇咗幾個唔同嘅場地，不過未做最終決定。」馬圖斯氹女咁掂，現役班德國國腳又個個有靚女另一半，莫非「日耳曼兵團」唔止踢波醒，就連冧女都有一手？効力博維斯塔嘅中國小將韋世豪，喺尋日作客0:0和波圖之戰後備上陣。雖然佢曾有1次入波「餐士」，可惜畀球證吹罰手球在先。其實上場博維斯塔1:0贏科英布拉大學，韋世豪首次後備落場就逼到對手擺烏龍，兩場披甲都攞到分，唔怪得大陸嘅PPTV場場直播博維斯塔啲波啦！意大利名宿加度素一向脾氣火爆，就算依家去到希超克里特OFI執教依然冇變。意大利《羅馬體育報》報道，加度素喺上周六聯賽贏波後，喺賽後記招分別用意、英同希臘語連講3次「狗屎」嚟批評當地傳媒亂作新聞，仲公開宣布解僱兩名違規隊員，認真火氣十足。羅馬前日憑前鋒迪斯度、中場費奧倫斯各建一功，主場以2:0擊退卡利亞里。當中費奧倫斯喺入波後更興奮到衝上看台攬住嫲嫲慶祝，場面溫馨。賽後佢解釋：「我嫲嫲已經82歲喇，佢連行路都成問題。今次係佢第1次入場支持我，所以我要將個入球獻畀佢！」足總創會一百周年慶典重頭戲之一嘅「香港世紀球星選舉」，公眾投票已經喺尋日展開。今次選舉將選出70年代及以前成名嘅球員，同埋80年代及以後成名嘅球員各11名，得獎者仲獲列入香港足球運動員名人堂。球迷可透過足總網頁http://www.hkfa.com/ch/vote，或者去足總索取投票表格。投票將會喺下個月5號截止，並且喺12號舉行嘅百周年晚宴公布結果同頒獎。
  • 體育
  • 馬經
  • 波經
  • 社論專欄
  • 好報
  • 愛心基金
  • 昔日太陽

【本報訊】山西太原市小店區塢城村一座改建中民房，前晚六時許發生坍塌，壓倒旁邊兩層高住宅，多名住戶、途人及工人被埋，最少三死十二傷。據悉涉事樓宇原高兩層，最近正進行加高工程，惟新建房屋面積超出原有面積，導致「頭重腳輕」，事故原因仍在調查。