本文重點
【本報訊】當年電影《人鬼情未了》風靡全港，柏德烈史維茲於一九九四年獲成龍邀請，專程來港出席成龍和史泰龍等合資的Planet Hollywood餐廳開幕禮，由於同場亦有荷里活紅星史提芬史葛、布斯韋利士等，當日五千名市民逼爆尖沙咀，更出動警方封路，當時柏德烈更盡顯親民本色，與不少影迷握手。
王敏德哀英年早逝
成龍昨日對於柏德烈癌病逝世，深感惋惜，並說：「好遺憾同惋惜，除咗當年邀請佢嚟Planet Hollywood開幕，我私下都識得佢，好幾次公開場合見過面，大家有傾偈，不過未至於深交。（佢癌病逝世？）呢個病真係好恐怖，大家要注意身體健康。」當日有份同場的王敏德，雖與柏德烈有一面之緣，不過由於沒有交談，故沒有深刻印象，但他坦言與太太馬詩慧是柏德烈的影迷，他說：「我好鍾意睇《人鬼情未了》同《辣身舞》，屋企有齊晒佢嘅電影，佢咁後生就死咗，覺得好慘，我都要keep住身體。」