【本報訊】F1方程式賽車比賽為新加坡大型盛事,今年的賽事要在九月中旬才舉行,但同學們已能率先走到賽道上奔跑,又可到控制室學習如何應付比賽中的緊急情況,令比賽得以順利進行,更可以親手製作獨一無二的賽車模型,與其他同學一較高下。

同學們難得地於F1方程式賽車賽道上躍過終點線。

「似足讀書需耐性」

「好開心可以嚟F1賽車場,除咗觀眾席,普通人都冇乜機會可以入到嚟賽道!」將升讀中五的莊湜渝坦言,難得親身踏足F1賽車場地,故大感興奮,而最難忘的是可製作自家小型賽車。同學們在工作人員的指導下,先以砂紙磨平模型,再為車身上色,加上車輪後,便可於模擬賽道上考驗各人對模型車的操控反應,「原來最重要係架車要磨得好平,咁先會快。因為我哋初初唔係太識磨,磨得好慢,所以我覺得同讀書都好似,最緊要係有耐性,因為一急就好易磨到兩邊唔平均。」

於應屆文憑試中考獲7科5**的狀元黃海旋直言,親手製作賽車模型較一般講座式教授更加有趣,亦從中得知模型賽車比賽也屬國際性賽事,「比賽嗰陣有啲煙噴出嚟,雖然有啲驚但係覺得好刺激,不過我反應比較慢,次次都輸。」


第一手消息請下載on.cc東網iPhone/iPad/Android/Windows Phone Apps