【記者楊育輝、黃芷君報道】剛滿兩歲生日的黃靖,出生三個月即證實罹患全球罕見的「先天性角膜鞏膜化」,瀕盲的靖靖在太陽報愛心基金與東方日報慈善基金全力協助下,籌獲逾一百二十萬元善款,順利前往美國進行角膜移植手術!靖靖的視力於手術後有顯著改善,移植的角膜卻有排斥現象,每日需以藥物紓緩,長遠或需再進行更換角膜手術。太陽報愛心基金與東方日報慈善基金將繼續提供適切協助。

平日最愛到公園遊玩的靖靖,每次外出皆會戴上專用眼鏡。

靖靖兩歲生日,阿詩最大的願望是兒子能夠健康成長。

記者在靖靖兩歲生日當天上門探訪,發現他較一年前長高不少,但同時顯得消瘦。靖母阿詩指兒子的胃口及情緒受到藥物影響,「醫生話佢嘅眼壓高嗰陣會痛,嚴重嘅時候會成隻腫咗,好似凸咗出嚟咁,搞到靖靖成日都唔舒服,唔肯食嘢!」事實上,靖靖在過去半年已接受三次激光手術,以改善眼藥水引致的青光眼,惟醫生擔心他的眼睛未能承受過多手術,暫時只能以藥物改善問題。

接受視障訓練準備返學

現時靖靖視力雖然逐步恢復,但仍屬中度視障,難以看清周遭事物,對周遭色彩及燈火卻甚感興趣,當阿詩為生日蛋糕點起蠟燭時,靖靖即被燭光吸引,更多次想伸手觸摸火光,「佢對啲發光同閃令令嘅嘢特別好奇,有時喺街行行吓都會踎喺度睇啲銀色嘅渠蓋。」現時靖靖每次外出皆會戴上特製眼鏡,以確保可看到外面的花花世界,「佢喺屋企就點都唔肯戴(眼鏡),但一出街佢就唔肯除!」

靖靖的視力雖然欠佳,但聽力卻十分敏銳,「佢嘅聽力特別強,可以分到邊度有人,仲好鍾意聽音樂,所以我哋買啲有聲嘅玩具畀佢玩。」為讓靖靖有學習及與人相處的機會,阿詩每隔兩星期便會帶他到視障學校進行早期訓練,「佢好鍾意返去,啲老師對佢都好好,又讚佢肯學嘢!」阿詩指靖靖兩歲便可正式到學校學習,現正等候學校通知。

靖靖的父母在兒子三個月大時,向太陽報愛心基金與東方日報慈善基金求助,經呼籲後籌獲善款逾一百二十萬元,順利赴美接受右眼角膜移植手術。阿詩感謝善長的支持,並希望靖靖能夠健康成長,「嚟緊啲治療程序仲係好漫長,真係好多謝善長咁有心,我哋先可以鬆一口氣!」

捐款編號:912333

第一手消息請下載on.cc東網iPhone/iPad/Android/Windows Phone Apps