【本報訊】任職推銷員的鄭捷收入不穩定加上受高通脹影響,每月生活均「掹掹緊」,「新年梗係想食得豐富啲,但啲年貨貴咗好多,想買隻雞過節閒閒哋都要三百幾蚊,真係唔捨得買。」阿捷接過禮物包時大讚豐富實用,並指最愛咕o臣被,「嘩!估唔到有咁多禮物,個咕o臣被好靚好舒服呀!」女兒怡君則對滋潤湯包情有獨鍾。阿捷不忘向善長獻上感謝,並藉此向大家拜個早年,「希望新一年各位身體健康、老少平安、萬事勝意。」

阿捷(右)與女兒怡君大讚咕o臣被有心思,大感驚喜。

阿明(左)和兒子尚汝對今次千歲宴讚不絕口,更可滿載而歸。

任職司機的鍾劍明經常中港兩邊走,工作時間不穩定,鮮有機會得享家庭樂,即使是農曆新年,妻子與兒子尚汝每年均會回鄉度歲,阿明則要留港工作,一家人甚少機會齊齊過節,今次難得一家團年,「有時情願賺少啲,都想陪個仔去玩,好似今日咁,可以同佢嚟一齊高興吓,真係好難得。」尚汝大讚食物很美味,他尤其喜愛帶子及蝦球,「好鍾意食蝦!平時媽咪好少整,好好味!」

第一手消息請下載on.cc東網iPhone/iPad/Android/Windows Phone Apps