世界波：動手改裝創意情趣玩具

有買過性玩具嘅爸打、絲打，係咪覺得呢啲產品嘅描述就無敵，但用起上嚟卻不外如是呢？如有同感，咁你就要留意今日細佬介紹嘅「自製情趣玩具教學」。放心，唔係我自創嘅，係由一個叫做「Homemade-Sex-Toys」嘅網站經過多次實驗，並能依據個人喜好及體形而自製嘅情趣玩具，有噱頭兼圖文並茂，簡直係今期必學！

呢個網站由2007年開始運作，網友大讚佢哋設計嘅情趣玩具既實用又幽默。網站非常細心，除咗自製男女自娛情趣玩具，仲教你如何加啲創意，將舊情趣玩具改良、或改裝到日常用品上，令佢變成一樣好玩情趣玩具。小弟精選咗幾款簡單易明嘅畀各位參考，慢慢跟住學啦！

蔬果電震棒

西瓜青瓜蜜瓜，不論圓定長、粗定幼，總之係瓜就可以溝埋一齊整震瓜，既天然、形狀又任你配搭，加上獨特觸感，High得有層次過人！

準備材料：各式不同形狀瓜類、震蛋一個、安全套。

Example 1.揀好瓜後再按瓜嘅不同形態合體，好似圖中呢個用蜜瓜做底座，雕空果肉，再插上一短一長青瓜，同時放入電動震蛋並套上安全套。

Example 2.頭粗尾幼嘅瓜可放兩個震蛋喺中間，享受雙重快感。

Example 3.蘆筍都可以做性玩具，加半個青椒喺底，插入震蛋即成！

簡評：天然蔬果無添加，一來唔似矽膠咁容易過敏，二來形狀多變，快感層出不窮。

雪條假大炮

四仔情節經常出現嘅雪條冰鎮下體，原來你都做得到，不過準備工夫較多。

準備材料：假陽具、玩具積木（砌長方形膠框）、食用級矽膠塑料、蠟紙、果味啫喱漿、雪條棍。

Step 1.將假陽具放入積木砌成的長方形框內，倒入液態矽膠倒模，做出半支假棒模具。待矽膠硬身後再做另外半支假棒模具，鋪上蠟紙，等待2小時至完全凝結。

Step 2.取出模具及「假棒」，將模具徹底洗淨後合體，倒入果味啫喱溶液，放入冰櫃做雪條，等半硬狀態時加埋雪條棍即成！

簡評：呢支假棒雪條比一般雪條更啱位，囡囡更可按個人口味，自製三色雪條，又啜又砌。

O嘴豆袋椅

潮人部屋必備嘅豆袋梳化，雖然已經Out咗，但稍為加工就可以變成O嘴瑪莉。

準備材料：豆袋梳化、卷裝廁紙、橡膠手套、大型黑色垃圾袋、牛皮膠紙、膠水、文件夾、魔術索帶、鉸剪。

Step 1.用牛皮膠紙包住整卷廁紙作定形，塞入橡膠手套，將手套尾部向外翻再用魔術索帶固定位置。

Step 2.於豆袋梳化開窿（夠放廁紙為準），將所有豆豆倒入垃圾袋。

Step 3.將塞滿豆豆嘅垃圾袋紮實再喺中間開窿，塞入剛才嘅廁紙筒。

Step 4.將製成品整個塞回豆豆梳化套內，對好位置，玩得！

簡評：豆豆梳化坐得攬得又「搖」得，攬住嚟砌，感覺好好多o架！

薯片飛機杯

Fleshlight飛機杯被歐美人視為「性杯」，有齊最索爆脫星真人倒模，可以睇住該脫星嘅四仔，拎住Fleshlight喺手，堪稱完美自娛！其實佢嘅產品同坊間筒裝薯片差唔多「晒士」，要複製番個B貨Fleshlight 都唔係咁難！

準備材料：一個乾淨薯片筒、一塊9吋×9吋海綿、安全套一個、1吋鋼圈、鉸剪。

Step 1.張開安全套將鋼圈放入，之後平放在海綿上裁剪（頭尾要凸出於海綿）；而海綿則按薯片筒尺寸裁剪。

Step 2.將海綿包住安全套，鋼圈外露位置用鉸剪開窿，將筒底部分剪走，再將裁好嘅海綿一同塞入薯片筒內。

Step 3.由於安全套底部橡筋頭凸出，將其拉開並箍緊筒口，令安全套包圍整個薯片筒，大功告成！

簡評：Fleshlight-Style飛機杯成本$50有找，可按個人尺碼自訂緊窄，又可循環再用，超抵玩！

同場加映：玩具Recycle

其實呢個網站唔止教自製情趣玩具咁單調，更展示全球網友嘅創意，例如將舊嘅性玩具「二次創作」變成不同裝置藝術，抵死又實用，仲好環保添！