世界波：上床網站 幫脫星搵外快

為方便大學生找尋一夜情對象，英國最近開咗一個名為「上床在大學」(Shag at Uni)嘅網站，營運至今已有近30,000人加入，想不到女生會員竟有不少來自知名學府牛津大學，現今大學女生果然是學業與性愛並重。呢個網站嘅成功，激發起一班美國脫星有樣學樣，話準備搞番個「與脫星共度快樂時光」網站，招攬有興趣搵外快嘅姊妹入會，而男會員就要繳費先可以上網同脫星談情說性，甚至出嚟聚一聚。

籌備網站嘅消息一出，立即引嚟業界唔少回響，當中有人反對亦有人贊成，而以下4位脫星則對搵外快特別感興趣，佢哋話女人青春有限，脫星生涯亦唔長久，梗係要趁青春，搵得幾多得幾多啦！

Sabrina Maree 只想搵快錢

Sabrina話佢當初入行拍四仔，絕對唔係為興趣，首先自己性慾唔算好強，又對男優冇性幻想，願意下海拍四仔，絕對係為錢，其次就係希望可以提高自己嘅知名度，從中搵外快。佢希望可以喺最短時間內，搵到一筆錢，然後轉行做啲小生意。所以佢對於呢個網站嘅構思舉腳贊成，更話如果辦得成，佢會第一個入會添！

Profile　

三圍：34D-26-36　

身高：5呎4吋　

年齡：25歲

Alektra Sky 好恨釣金龜

最初入行時，Alektra都曾經幻想過憑四仔作品殺入荷里活，不過拍耐咗就知道呢個想法不切實際，倒不如儲多啲錢，或者搵個男人養好過！所以佢對呢個網站都有啲憧憬，除咗可以幫佢搵外快之外，仲可以畀多個機會佢識啲圈外男人，話唔定搵到錢之餘，仲可以搵到張長期飯票，甚至釣番個金龜婿，到時就真係夢想成真喇！

Profile

三圍：34C-25-35

身高：5呎3吋　

年齡：27歲

Niki Lee Young 青春唔等人

Niki認為青春唔等人，尤其是女人更加老得快，好似佢入行5、6年，覺得自己愈嚟愈似阿嬸，而日日拍床戲仲搞到佢個樣殘得好快。所以佢依家唔理三七廿一，有快錢就搵，因為過多兩年佢就算肯拍，都未必有人請。佢話以後若然冇得再拍四仔，都諗住隨時轉做應召女郎，趁住依家仲有幾分姿色，可以叫高啲價，當然要把握機會啦！

Profile

三圍：34C-24-36

身高：5呎4吋　

年齡：27歲

Cali Logan 唔打算賣肉

Cali話四仔女星始終都係女星，點可以隨便喺網站出賣肉體，咁樣同做妓女有咩分別？所以佢絕對唔會入會。雖然有唔少人都將脫星同妓女畫上等號，但佢好清楚，自己唔係賣肉維生，而係賣緊自己嘅性技巧。仲認為床上戲係表演藝術嘅一種，所以不能跟妓女同日而語，就算將來退休冇嘢做，佢都唔會出賣肉體喎！

Profile

三圍：34C-24-35

身高：5呎3吋　

年齡：29歲