世界波：一夜情慾4大特徵有女食

現今世代，一夜情雖然已經再唔係咩新鮮事，但點解有啲男人次次出去覓食都冇斬獲？排除佢哋嘅外表太差之外，原來根據美國一個成人網站嘅研究指出，擁有以下4種特徵嘅男人，令女人尤其想同佢發生一夜情。

呢4種特徵其實都唔關乎外表問題，反而最重要係男人嘅態度同埋潛在魅力，女人其實好在乎對方嘅言談舉止，又或者對女人大方體貼，都可以令女人心動，想同佢發生一夜情。唔怪之得有啲男人自恃外貌俊朗，但最終都係空手而回，反而有啲相貌平庸，但性格大方幽默嘅男人，就經常有女食，原因完全在於「態度」二字。

風趣幽默可點火

專家認為，女人尋找一夜情嘅目的，除咗想滿足生理需求外，仲需要滿足心理需要，所以事前男女雙方嘅挑逗就顯得更加重要。女方如果覺得男人風趣幽默，言談間令佢笑逐顏開，自然更容易令女人增添好感。

一旦有咗好感，性慾就隨時有機會引爆，反正佢都預咗今晚要開餐，難得遇上一個有好感嘅對手，女人會更加爽快，隨時飲多兩杯，就主動提出性要求，男人只要點頭回應，就可以即時上房。

增添幻想有衝動

有啲男人認為身材健碩、樣貌俊朗嘅帥哥，喺情場上一定無往而不利，但其實喺一夜情嘅世界，女人唔會要求咁完美嘅對手，事關大家都係想發洩一時嘅衝動，唔需要好似揀老公咁認真。所以女人出嚟覓食，好多時都會自己加添唔少性幻想，明明對手唔係咁正斗，但只要搵到令佢有幻想嘅地方，就會一拍即合。例如佢着咗條貼身褲，令細佬現晒形，無論大細都令女人立即有幻想。又例如兩人嘅衣着品味十分接近，一睇就知係同道中人，亦會令女人更易動心。所以男人就算冇出眾嘅身材或容貌，都唔好忽略衣着嘅重要性，隨時會令你滿載而歸o架！

輕輕鬆鬆砌天光

男人出嚟覓食，千祈唔好煞有介事咁，流露出不到黃河心不息嘅眼神，飢渴到好似色中餓鬼咁肯定會嚇走好多女人。要知道想令女人進入狀態，其中一個好重要嘅因素，就係要令女人放輕鬆，所以彼此溝通嘅過程中，一定要令氣氛輕鬆，就算入到房，都最好飲多兩杯，或者跳隻舞先至正式埋牙。從容不迫嘅態度，會令女人對你大增好感，到正式埋牙時，兩人自然會做得更加投入，呢招拋磚引玉，可令對手雙倍回報你，隨時輕輕鬆鬆砌到天光。

主動出擊增食「慾」

雖然依家係男女平等嘅世代，但女人始終都鍾意男人採取主動，所以男人千祈唔好因為怕醜、怕食檸檬等理由，而放棄呢個主動出擊嘅機會。好多出嚟覓食嘅女人，只係等緊男人開口，尤其是依家好多男人都冇厘風度，樣樣都同你計清楚，如果一旦遇上個出手闊綽嘅男人，女人一定冧！就算對方外貌條件不足，大方嘅表現都可以彌補佢嘅缺點。反正又唔係做人世，最緊要呢一刻覺得佢吸引咪得囉！