變做阿四
家陣啲客人真係好難服侍，唔單止要求多多，仲當我係阿四咁使囉！話說有個客人約我喺尖沙咀一間酒店短聚，當我差唔多到達嘅時候，突然收到佢嘅電話，佢話好口渴，叫我幫佢買杯凍咖啡上去，OK，冇問題！殊不知當我排緊隊買咖啡之際，佢又打電話嚟，話好肚餓，想食漢堡包。當時我都有啲滾滾哋，佢擺明當我係阿四，點我買呢樣又買嗰樣。不過，心諗都係算數，費事為咗呢啲小事而得失客人。點知過咗一陣，條友又再打嚟，佢竟然問我點解仲未到，我真係火到嚟，忍唔住大聲鬧：「大佬呀！幫你買嘢唔使時間咩？」估唔到兇一兇佢，即刻向我沙冧，呢啲男人真係賤呀！