囡囡咪亂隊

老蘭接二連三發生醉娃懷疑被強姦案，連台灣及英國網站都有報道，唔止蒲妹人心惶惶，查實我哋啲Player仲驚死，容乜易飲大兩杯拖女爆房，結果畀人拉去當犯審o架！所以今期我性甸奴都係守吓行為，絕迹中上環一帶，要搞寧願留守老尖穩陣啲！

通常發生呢啲不愉快事件，十居其九都係囡囡飲醉，唔使講，最賤一定係男人，所以我幾時都話，從來唔會「氹」囡囡劈酒，只會喺囡囡自願兼主動嘅情況下嗌酒飲，到發覺佢露出醉態、口齒不清、步履不穩時，我甚至會主動制止佢飲落去。但從我夜蒲多年嘅觀察所得，時下不少賤男都鍾意一擊即中，即係用最短時間「隊冧」囡囡，務求極速上房Happy，雖然女方好多時都係自願上房，但男方手法又賤又Cheap，超鄙視囉！而且事後若然條女唔忿氣，喊晒口話喺唔清醒兼無力反抗嘅情況下畀你搞，你估上到庭時個官信你定信佢呢？

我好明白酒精係最有效同快捷嘅氹女上床催化劑，但經驗話我知，隊酒精濃度高嘅「硬嘢」，劈到「斜晒」，入到房通常都唔會Happy，皆因囡囡好多時都會「劏」到慌，到時都唔知服侍佢定掉頭走好。

真係要飲，正確飲法係由淺到深，可以由所謂最Cheap嘅啤酒飲起，若然囡囡啱Feel嘅，男士不妨提出轉場飲吓紅白酒，藉此畀空間囡囡考慮「下一步」決定，轉場後飲完仲未夠喉嘅砌多支香檳，啲氣谷上腦係人都High啦！以上過程起碼玩足幾粒鐘，件女唔「斜」仲肯留低陪你癲嘅，證明冧到你爆燈，仲使乜用埋啲賤招搞人呢！

性甸奴

80後一名，天生好性，以食盡天下女人為人生唯一目標，口講重質，實情重量！誓要一日一女直至油盡燈枯。雖然先天能力不足，但靠後天壯陽餐單及經驗互補成為啅女達人！