世界波：專家教路性愛小撇步

根據網站illicitencounters.com嘅新鮮熱辣調查指出，英國East Midlands嘅已婚夫婦，性生活失調問題最為嚴重，有16%受訪男女表示，一年只同伴侶床戰3次！原因離不開工作太忙，冇時間做愛、又或因為性生活沉悶而令佢哋性趣缺缺！其實要享受一場愉快嘅性愛好簡單，今日細佬就醒幾個由專家提議嘅小貼士畀大家，等你隨時隨地都可以同伴侶大戰一場！

仲以為忙碌只係香港人逃避性愛嘅藉口，原來連西人都一樣。但調查就指出大部分受訪者的確認為性生活係一件大事，事前要做足準備先可以進行。查實外國唔少生活品味網站，都有關於性生活嘅專欄教導讀者如何享受性愛，小弟就特別精選咗幾個小「撇步」（Tips）同大家分享，希望各位讀者都可以同我一樣玩得盡情盡興。

自摸會更好

有研究顯示男女通過自娛時最能了解自己嘅性興奮地帶，透過反覆刺激，可以提升性張力（Sexual Tension）；而且自娛時會令感官放鬆，可有助減輕肌肉緊張及精神壓力。但性學專家提醒，男女自娛訓練時不可用任何性玩具輔助，只可用手部刺激，咁下次伴侶代勞時，你就可以清晰告訴伴侶你邊度最敏感。

播歌聽住砌

浪漫音樂對融入性愛有幫助大家都知，但聽得多又怕漸漸失效。金匠倫敦大學（Goldsmiths, University of London）神經科學家Dr. Daniel嘅研究發現，不同種類嘅音樂中，含「Dirty Talk」（性暗示）內容嘅跳舞音樂，最容易令男士進入興奮狀態、令女士性慾高漲，而有40%受訪者更會於聽歌途中Mood到，繼而同伴侶發生性行為，各位有心搞嘢嘅男女，下次想曳曳前不妨播番首勁歌。

西瓜變偉哥

男人想享受愉快性愛，平日應注意飲食，令身體保持健康，若然想「細佬」生生猛猛，閒時不妨吸取多啲鋅、鉀、維他命E同茄紅素。因為茄紅素除可減低患上前列腺癌嘅機會外，更對勃起功能有正面影響。不過要數最正嘅一定係西瓜，事關佢係食物界嘅天然偉哥，含有高濃度瓜氨酸，據科學家嘅臨床研究得出，150mg嘅瓜氨酸能增加性交持續時間最少3.8分鐘！

汗味能助性

做運動唔止可以健身減肥咁簡單，喺性事方面對男人搞女亦有好處，皆因你可以不費吹灰之力就激發女伴性趣。有科學家話，女人會因為男伴汗味而快速放鬆壓力及提升性慾，而女性經過劇烈運動後，體內嘅多巴胺水平更會急升，令佢哋更感自信同輕鬆。另一方面，「性運動」期間得到高潮同快感時，腦部釋放嘅腦內啡（Endorphins）會令人心情愉悅，紓緩痛楚，下次女伴嗌頭痛嘅時候，你咪有藉口捉住佢做愛囉！

浴缸水溝油

次次都喺床上做愛，做得多真係好易生厭，而除咗張床之外，專家就建議最好喺浴缸搞，因為暖水有助提升敏感度同刺激感；加上浴缸體積細小，令雙方更有壓迫感。

不過水嘅阻力會影響抽送動作，呢個時候只需要倒啲BB油落去即可解決問題，若然手邊油都冇滴，可將沐浴露倒落水中打到起泡，一樣可以製造相同效果o架！