世界波：阿太偷食 催情小菜密密送

相比起唔少落後國家，美國已經算係相當富裕，但內裏嘅社會問題一籮籮，除咗毒品、槍械之外，仲有家庭問題，尤其是中產夫婦，出現婚外情嘅情況十分普遍。而且因為崇尚男女平等，所以女人出軌嘅比率同男人相比，幾乎係一半一半，當中有部分女人嘅出軌對象，竟然係隔籬鄰舍，只因夠就手！

呢啲怨婦之所以同鄰居搭上，除咗貪就手之外，最重要係大家彼此認識，只要對方都有意思，就好易搞上手。怨婦只需要趁老公唔喺屋企，整啲美食勾引佢入屋，或者送份小禮物氹吓佢，再搭配身體語言等暗示，就好容易達到目的，仲使乜落Pub搵對象咁麻煩？

美食作餌

既然想用美食吸引鄰居入屋，廚藝當然要有番咁上下，而且仲可以喺烹調過程中，加入少少催情藥，當然要掌握好分量，唔好食壞人啦！其實大部分男人入得屋，都知道你有所企圖，所以未品嘗你嘅廚藝，已經食指大動，食完之後，更加發覺自己成身慶合合，見到你就好似見到美人一樣，仲唔乘機為所欲為咩！

主動上門

不過又唔係位位怨婦都識得烹飪嘅，咁就惟有改用銀彈政策，買份有含意嘅禮物主動送上門，係男人都知你想點啦！有唔少鄰居收到禮物後，就心領神會知道對方想打友誼波，如果自己都有意思的話，就會邀請怨婦入屋。怨婦入得去就會盡情展露姣相，又跳辣身舞、又投懷送抱，總之男人唔舉「旗」，佢哋就唔會罷休！

借故入屋

仲有啲怨婦最叻就係借頭借路，問鄰居借咖啡杯或者執番個足球等等，乘機夾硬衝入人哋間屋，仲要着到鬼咁性感，事業線、股罅任（目及）唔嬲，如果見到對方有反應，仲會立即主動挨身挨勢，等佢避無可避，最終撻着慾火。大部分男人都好難抗拒女人主動送上門，更何況大家係隔籬鄰舍，打場友誼波都好閒啫！