世界波：活化舊倉誘男去爆倉

家陣香港有唔少工廈已經唔係純為工業用途咁簡單，有啲用嚟做咗Band房或影樓教室，有啲則用嚟做貨倉，甚至有人將佢當成住宅咁使用。無獨有偶，美國亦有班囡囡，睇中咗空置多年嘅貨倉，將佢哋變身成男士曳曳嘅樂園，吸引一班好色之徒齊齊嚟爆倉！

喺美國，其實有唔少呢啲被另類活化嘅舊貨倉，而講到數量最多同埋最過癮嘅，則非位於內華達州嘅舊貨倉莫屬，除咗因為佢哋嘅貨倉空置率高、夠集中之外，加上位置偏僻，好啱男士上嚟偷歡。

空置率高

由於呢啲貨倉長期丟空，故此租金亦相當平，因而被一班本嚟散居於唔同地方嘅企街囡囡睇中，索性大家夾錢租下，美其名係活化舊貨倉，實質係將貨倉變身成大型嘅曳曳「性」地。不過呢啲舊貨倉又殘又舊又污糟，有乜嘢吸引力能夠吸引到囡囡嚟做生意呢？有囡囡解釋因為貨倉夠大，就算間埋住宿嘅地方，剩低落嚟嘅倉位都夠佢哋用嚟做生意。此外，亦因為貨倉租金夠平，過萬平方呎嘅貨倉，月租只不過係US$6,000（約HK$46,800），以20個姊妹一齊同租計算，每人月租只係HK$2,340，比租個普通單位仲要平一半！

門口誘客

由於呢啲倉仔係班索女嘅主場，故此唔似得一般嘅街頭，驚企得耐會畀人趕，又唔使擔心太早開舖，會畀隔籬鄰舍投訴，仲可以開足24小時，實行密密食都冇問題。為咗可以增加客源，佢哋除咗會做預約嘅熟客生意外，亦會走上街頭兜搭路過嘅司機同單身男士，搵到獵物後就帶佢哋返去倉仔溫存。有時佢哋更會將倉仔出租搞淫亂派對，不但提供場地畀男女玩荒淫大混戰，自己更會瞓身參與，實行用到盡，聞說跟住落嚟嘅12月下旬，個倉已經Full Booking，確係相當有生意頭腦。

玩乜都得

可能有人會問，舊貨倉地方係就係夠大，但地方污糟又咁殘，究竟有乜嘢好玩呢？有喺度搵食嘅囡囡就話，佢哋嘅賣點就係地方夠大兼夠殘，相當有復古Mood喎！據講呢啲貨倉裏面冇再劏成細房，換言之成個場任玩家玩晒咁滯。不過唔好嘅地方，就係若然有多過一Pair男女喺度溫存嘅話，隔籬嘅春光同樣一目了然。雖然係咁，但嚟貨倉玩過嘅玩家卻話唔覺得尷尬，反而仲有種大混戰嘅味道，尤其係睇住隔籬位嘅一對喺度曳曳，自己嘅戰意亦會更強，玩起上嚟醒神好多。加上倉內亦有齊各種情趣玩具，甚至愉虐用品都有齊，名副其實玩乜都得。