嗌錯名出事
許多時，熱戀中嘅情侶都會嗌對方做BB、豬豬等暱稱，其實唔單止拖友係咁，好多時啲客人亦好鍾意咁叫我，好似有個熟客仔就嗌我做豬豬，反正都係一個稱呼，所以我無乜所謂。有次我問佢會點嗌女朋友，佢就話：「我一定唔會嗌佢做豬豬嘅，因為呢個係你獨有嘅名稱，我嗌佢做BB囉！」當時我叫佢千祈唔好嗌錯女友做豬豬，否則就大鑊喇！而呢次約會之後，佢足足三個月冇搵我，直至上星期，佢終於約我出嚟開房短聚，我問佢做乜失咗蹤，佢就話因為失戀，搞到冇晒心機，原來有晚佢唔小心嗌錯女友做豬豬，對方即時呷醋，向佢大興問罪，最後佢坦白承認有偷食，結果分手收場。唉！一早叫佢小心啲嗌o架喇！