世界波：性治療師登床入室救宅男

宅男喺現今世代並唔係咩怪物，就連性開放如美國都有唔少，有間性治療中心，為咗拯救宅男，決定派出一系列美女治療師，登「床」入室盡力挑逗，務求令宅男們重展男子漢本色，將美女拖上床盡情魚肉。

呢班美女治療師唔係單單只懂講理論，佢哋仲擁有一身技藝，口技、手技、床技同埋社交溝通技巧，瓣瓣都係強項，如果逐一傳授畀班宅男，隨時可以令佢哋變身猛男，唔使再匿埋喺屋企做宅男咁苦悶。

談情要定力

治療師上門第一件事就係教授宅男溝通嘅技巧，尤其是同囡囡談情，更加要學識避重就輕，最好把酒談歡，令氣氛變得更加輕鬆，囡囡就更容易落疊。所以治療師上門一定會同宅男飲吓酒、傾吓偈，交流吓性愛觀，然後再慢慢教導佢哋性愛嘅真諦。好多宅男定力不足，未正式入戲肉，已經畀美女治療師搞到舉「旗」不定，當場出醜，真係好羞家。

接吻有技巧

第二步係接吻，好多男人都覺得情到濃時，就會自然吻起來，唔需要咩技巧，總之有咁火熱得咁火熱就可以將女人融化。治療師當然唔同意，事關女人都有好多種性格，唔係個個都鍾意速戰速決，有啲則鍾意慢工出細貨，所以接吻應該要有節奏，時快時慢，一時濃情似火、一時溫柔纏綿，咁先可以挑起女人嘅慾火，甚至按捺不住主動出擊，將男人擒住。

埋牙見真章

最後當然係埋牙肉搏，不過宅男性經驗大多不足，所以一埋牙隨時會開行Turbo，有咁快衝咁快，結果唔夠幾分鐘就敗下陣來。

治療師會教佢哋控制自己嘅性衝動，就算係面對惹火尤物，都要把持得往。所以治療師一開始就會運用口技及手技，令宅男欲仙欲死，但又唔畀佢哋發射，藉此訓練佢哋嘅耐力，慢慢試多幾次，習慣咗就可以控制自如，成為一個真正嘅戰士，馳騁床上。