宅男女神王妡蕾超完美身材

喺北京宅男界無人不識嘅宅男女神王妡蕾，喺模特兒界發展卻未算突出，皆因佢冇大公司或經理人支撐，一直以自由身接工作，所以即使深受一眾宅男推崇和喜愛，仍然未能大紅大紫。

今年23歲王妡蕾，出道已經有一段頗長日子，主力做平面模特兒，拍攝時裝照及人像寫真，初時行少女路線嘅佢，表現比較保守，拍出嚟嘅寫真毫無睇頭。但粉絲認為，妡蕾身高有170cm，三圍有34-24-35，身材高挑又玲瓏浮凸，唔拍性感寫真，簡直係暴殄天物。

改變形象

妡蕾幾經掙扎後決定豁出去，改行性感路線，即時得到唔少廠商垂青，搵佢拍攝內衣以及泳衣照，呢幾輯照片充分將妡蕾嘅完美身材表露無遺，性感度同噴血度都爆晒燈，深受一眾宅男歡迎，因而被封為宅男女神。之後，妡蕾拍時裝照都以性感形象示人，展露出事業線，難怪粉絲一直有增無減，而且只要妡蕾有新相片Post上網，就會立即瘋狂轉載。

未能上位

由於妡蕾冇簽經理人公司，一直以自由身接Job，因而發展未如理想。有人問佢點解唔搵番個經理人？妡蕾冇正面解釋原因，只笑說話冇經理人公司搵佢，但以妡蕾嘅受歡迎程度，又點會冇公司搵過佢吖？有傳聞話可能係妡蕾唔想畀經理人公司從中抽佣，所以一直唔簽約。計我話，以妡蕾現時嘅粉絲人數，即使唔簽經理人公司都唔使驚，事關佢有咁大班粉絲撐，發展只會愈嚟愈好，所以妡蕾唔使驚呀！

王妡蕾Profile

出生地：北京

三圍：34-24-35

身高：170cm

興趣：聽音樂