世界波：食色性也全球最色餐廳

米芝蓮星級餐廳人人慕名爭住幫襯，甚至搞到旺角嗰間星級點心舖都畀業主瘋狂加租逼遷，其實想學似星級餐廳咁旺人氣，食物味道未必係最重要，最緊要夠鹹濕，男人一定仆倒幫襯！

早前外國有網站選出全球最色餐廳，據報光顧嘅客人對食物質素全不品評，反而對場內裝修及侍應質素最着緊，點解？咪因為食色性也囉！

新宿 辣妹機械人

曼谷有間起晒朵嘅機械人餐廳，吸引不少外國遊客慕名而來，機械人由落單到傳菜一腳踢，之不過都唔夠日本新宿呢間「Robot Restaurant 」咁堅，皆因場內有巨型比堅尼辣妹機械人坐鎮，由穿着性感比堅尼嘅o靚模駕駛出場，配合燈光同音樂，一出現就係當晚嘅高潮位。

據聞餐廳用咗過百億日圓打造，佔地過萬平方呎，位於新宿歌舞伎町，曾經去過嘅網友對食物質素就冇乜評價，但對餐廳嘅經營手法就非常讚賞，認為色情得來不低俗，滿足晒麻甩佬嘅慾望喎！雖然官方話「辣妹機械人」眼看手勿動，但有網友表示，偷偷摸過之後覺得有Z Cup喎！

名稱：Robot Restaurant　

網址：www.shinjuku-robot.com

泰國 膠笠夢工場

除咗家計會，原來餐廳都有安全套派，嚟到泰國呢間「Cabbages & Condoms」安全套主題餐廳，侍應會於客人良朋共聚，甚或拖女Fine Dining時宣揚安全性行為。餐廳內無論室內室外嘅裝飾擺設都同安全套有關，例如由安全套砌成嘅人形公仔、安全套樹、坐得嘅長椅及燈罩等。而每位光顧嘅客人於餐後都會獲贈全新安全套乙個，夠晒心思！據聞連侍應都會笠住個吹脹咗嘅安全套Serve客，係咪好有Gimmick呢？

名稱：Cabbages & Condoms

網址：www.cabbagesandcondoms.com/restaurant.php

拉斯維加斯 赤裸女體盛

喺日本食一餐「女體盛」，聽聞閒閒哋每位要￥75,000（約HK$7,500），食法係以女體作「器皿」，然後在身上放上各式刺身、壽司或其他食物，旨在滿足男人視覺及味覺刺激，不過就算有錢都唔係咁易食到！若然你真係好想一嘗刺激，可以去拉斯維加斯一間叫做「Geisha House」嘅日本餐廳試試佢哋自創嘅「Jamerican」Style女體盛，結合咗美國及牙買加風格，好特別o架！

名稱：Geisha House

網址：www.geisharestaurants.com

美國佛州 性感美人魚

童話世界嘅美人魚老少咸宜，但美國佛羅里達州呢間美人魚餐廳「The Wreck Bar」最好都係咪帶細路仔去，皆因從餐廳望出窗，有一班「性感美人魚」不斷上下暢游，搞到波濤洶湧！據說餐廳07年已開始經營，主打海鮮菜，餐廳參照船艙設計，場內360°都有玻璃望上泳池底部。現時餐廳內有6位美人魚游水伴食。佢哋會着上貝殼造型嘅Bra-top，谷出逼爆咪咪於水中同客人Say Hi兼飛吻，男人小心硬到撞爆玻璃。

名稱：The Wreck Bar

網址：www.facebook.com/WreckBar