世界波：美東風災脫星心連心行善

近日橫掃美國東岸嘅風災令不少美國人大感痛心，連四仔女星都唔例外，但係偏偏感動唔到巴西前《花花公子》模特兒Nana Gouvea，因為佢剛剛喺風災之後，去咗損毀好嚴重嘅紐約街頭拍照，仲喺瓦礫間扭腰擺臀，大晒長腿，之後仲將照片放上社交網站，結果激起美國網民嘅公憤，齊齊炮轟佢攞景贈興兼冇腦。

向來以西岸為搵食基地嘅幾位四仔女星，睇到Nana嘅行為後，都覺得佢真係好過分，雖然西岸冇受颶風珊迪嘅影響，但自己睇到災情都大表痛心，點都唔會將死人冧樓當Gimmick嚟搵錢，就算搵到都唔會心安！佢哋當中仲有人話想搞義拍四仔，希望可以為災區居民籌吓款，表達自己嘅小小心意喎！

Penny Flame 拒做蠢事

Penny話自己雖然貪錢又好性，不過最憎就係發死人財，人哋受到風災吹襲，家園盡失，已經係一件好慘嘅事，自己仲點忍心去風災地區取景，所以佢覺得Nana今次真係做得好錯，Penny話一般人早已認定只懂賣弄身材嘅女人，多數都冇乜腦，今次佢咁做，就更顯愚笨，勸佢將今次所得酬勞捐出嚟平息民憤。

三圍：36C-25-35

身高：5呎3吋

年齡：29歲

Cassia話佢有親人喺紐約開餐館，今次風災令親人損失慘重，對於佢嚟講簡直就係感同身受，完全明白災民嘅苦況。所以佢決定停工一個月，親身去災區幫手，實行出錢又出力，佢呢份情操，感動咗好多影迷，並對佢大表支持，所以佢近期嘅寫真都特別好賣，呢啲咪好心有好報囉，Nana唔該學習一下。

三圍：34C-24-34

身高：5呎4吋

年齡：32歲

Paxton話好贊成Samantha嘅義拍建議，因為咁樣做可以令善款更多，而且有助團結成人業，甚至提升成人業嘅社會地位。不過佢就擔心冇片商肯拍，因為片商始終係生意人，唔好話蝕本，就算冇利潤嘅生意都唔會做啦！所以佢話Samantha應該利用自己嘅號召力，去同片商傾合作模式，咁樣反而仲有啲希望拍得成。

三圍：34B-24-34

身高：5呎6吋

年齡：31歲

Samantha話做人一定要識得發財立品，今次仲係自己嘅同胞遇事，梗係想做番啲嘢！佢呢幾年搵埋唔少，捐錢絕對唔係問題，但佢反而想搵埋啲姊妹搞義拍，將成套四仔嘅收入捐出嚟，除咗善款會多啲，仲可以令外界對四仔從業員有所改觀，既可以做善事，又可以幫自己，實在一舉兩得。

三圍：34DD-24-36

身高：5呎9吋

年齡：25歲

七瀨