世界波：索女入廚True Porn Show

喺好多人眼中，有樣有身材嘅索女雖然入得睡房，卻往往入唔到廚房。點解？咪就係因為靚女貪靚，怕入廚搞到自己似黃面婆囉。不過美國就有班脫星誓要打破呢個定律，並且嚟個廚藝大比併，仲將當中嘅過程拍成真人騷，打算喺不久嘅將來推出。

可能有人會話，模仿廚房真人騷嘅四仔早已出過唔少，家陣呢班脫星又玩入廚樂，係咪有啲Out呢？如果咁諗就錯喇！事關以往嘅四仔只係抄橋，內容始終同一般嘅四仔冇乜分別，都係煮煮吓飯就大砌特砌，根本並非真人騷，而呢次則以真人騷為主線，內容豐富好多。

增值變拍片

唔講唔知，其實呢個脫星情慾廚房真人騷，本身並非為咗拍四仔而設，反而係脫星嘅增值課程。據有關方面稱，佢哋為咗可以令脫星有其他方面嘅發展，平時會為佢哋提供唔少增值課程，好似航海訓練班、跳傘課程、舞蹈課程等，而廚藝課程亦係其中之一。

為咗可以拍低脫星平日上堂嘅情況，佢哋就搵攝影師跟蹤拍攝，無意中拍低咗班脫星平日嘅生活點滴，於是佢哋靈機一觸，索性將節目變成暫名《Pornstar Kitchen's Life》嘅真人騷，讓四仔迷可以分享到脫星嘅日常生活外，更了解到鏡頭後佢哋嘅私生活係點，從而拉近四仔迷同脫星間嘅距離。

鹹趣兼搞鬼

本嚟諗住拍片嚟做記錄，卻無情情變咗做真人騷，睇嚟班脫星嘅私生活應該幾吸引。據有份參加拍攝嘅脫星表示，其實大部分脫星之間都老友鬼鬼，平日佢哋唔使拍片時，都鍾意約埋一齊去蒲、去旅行，因此佢哋經常打打鬧鬧，講吓男人經又講吓性愛經，甚至互相調情同比試床技，估唔到竟然引起公司嘅興趣，話要將佢哋嘅私生活變成真人騷，仲要變成演出嘅機會，的確令佢哋始料不及。不過，雖然佢哋知道私生活有機會搬上銀幕，卻一啲都冇因此而收斂，有啲脫星甚至為咗令老友出醜，竟然當住鏡頭面前，將原本已很火辣嘅行徑升級，扯Bra、搓咪咪、吹口琴等樣樣玩齊，真係夠晒出位！

推出期待定

為咗增加真人騷嘅戲味，有關方面將原本嘅廚藝課程，變咗做比併形式嘅烹飪比賽。每位脫星以兩人為一組，按要求喺限時內炮製美味食品，然後供人氣大廚品評。為咗可以激發脫星嘅爭勝欲望，勝出嘅脫星不但有現金獎，更可以得到一個願望，同埋獲得一套四仔片約作為獎勵。

問到有冇床戲，有脫星就表示都幾多，事關據佢所知有脫星為咗獲勝，私底下會色誘評判，以肉體換取勝利，而呢啲片段更會全程被拍低。雖然唔知呢啲評判係咪堅大廚，但以真人騷形式拍攝嘅四仔的確好有新鮮感，因此好多四仔迷都話會熱切期待喎！