Lanny Barby4吋高踭險出事
女人真係愛靚唔愛命嘅動物，四仔女星Lanny Barby就係表表者，佢有次拍寫真出動自己對4吋私伙高踭鞋，影出嚟嘅效果的確好靚，不過攝影師要求好高，要佢喺樓梯擺出各式各樣嘅甫士，差啲令佢一個唔小心跌親，幸好最終有驚無險，大步欖過！
靚字行頭
Lanny話女人無論做咩行業，幾時都要以最靚一面示人，佢就算去超級市場買嘢都要扮靚，唔可以畀人睇到自己不修邊幅嘅一面。所以影寫真就更加要有咁靚得咁靚，出動私伙衫褲鞋襪一啲都唔係問題，最緊要影出嚟效果夠好。原本3、4吋嘅高踭鞋佢都着到慣晒，但當日因為要喺樓梯上上落落，所以先一時叉錯腳，幸好佢反應快，及時扶實，先至冇碌落樓梯，如果唔係，隨時跌斷腳都有之！但就算經歷過呢件事之後，佢都仍然堅持愛靚唔愛命，真係服咗佢！