世界波：性愛滿足 女人更靚更幸福

好多男人成日都自吹自擂話經常搞到女人欲仙欲死、跪地求饒，但事實上有唔少男人根本唔知女伴是否滿足，只以為自己交足功課，對方理應享盡快樂。早前美國某雜誌就對3,289名女性進行調查，總結出女性於性滿足時嘅五種普遍表現，男人不妨睇睇女伴係咪咁，就知佢食得飽唔飽喇！

其實男人只要細心啲，以下5種表現其實唔難察覺，所以咪再自以為是，多啲留意女伴嘅日常行為，唔好以為佢咁苛索就一定係唔飽所致，分分鐘呢個先係佢最滿足嘅表現嚟o架！

需要更多

根據調查顯示，性滿足嘅女人每周都需要2至3次性愛，不過女人有時候唔一定要真正埋牙先當係性愛嘅，佢可能只係想男伴攬吓佢，熱烈親吻、愛撫已經足夠。如果佢成日都想同你有親密接觸，甚至晚上主動出擊，往往可能係因為你表現勇猛，令佢欲罷不能所致，但如果你自問平時功課交唔足，咁就可能只係女方純粹有需要而已。

美麗自信

性滿足嘅女人一般都會散發出充滿自信嘅魅力，佢哋對自己嘅外表滿有信心。調查顯示有80%得到性滿足嘅女人認為，喺伴侶眼中，佢就係最性感嘅女人。因為愉快嘅性生活，令佢哋提升咗對自己嘅評價，所以男人見到女伴時常充滿自信，其實可能係代表佢好滿意你嘅性表現，如果你再加多幾錢肉緊，包保佢一定愈做愈靚。

說出需求

喺性事上愈滿足嘅女人，其實愈知道自己想要乜嘢，而調查亦顯示有87%得到性滿足嘅女人，都會勇於向男伴表達自己嘅需求。因為一個能夠坦然說出自己性需要嘅女人，代表佢喺性事上勇於爭取，獲得性高潮嘅機會自然都會多啲。所以男人應該鼓勵女伴多談性，就可以令女伴更易得到性滿足，同時亦要注意佢哋有意無意間表現出嚟嘅溫馨提示，就可以令性愛變得更美好！

全情投入

於性事上得到滿足嘅女人，好少會介意係咪可以同男伴得到同步高潮，高潮嘅先後次序其實唔重要，最重要嘅係男伴於性愛過程中可以令佢哋得到快感。而快感應包括心理及生理兩方面，當中最緊要嘅一環係令女伴放鬆，只要心理上能夠全情投入，身體獲得快感嘅機會自然大增。

無關大小

女人能夠於性愛過程中得到高潮，往往與男伴嘅寶劍大小並無關係，關鍵應該在於男士嘅性技巧是否高超，以及於性愛時同女伴嘅情感交流做得是否足夠。如果你自問Size唔算大，但女伴卻經常對你把寶劍表現得愛不釋手，其實已經反映出佢喺性事上好滿足。