世界波：惹火娃鬼 爽爆萬性節

每到萬聖節，聽到有小朋友敲門同你講「Trick or Treat」，或者你會派啲糖打發佢哋走，但若然敲門嘅係火辣索女，係咪好想請佢入屋，整支私伙棒棒糖畀佢食呢？喺拉斯維加斯就有夜總會聯同派對公司，為單身男士炮製萬「性」節驚喜，一班前來敲門嘅火辣索女，個個都願意陪你上床玩，係咪開心死呢？

據夜總會負責人表示，早喺09年佢哋就推出萬聖節主題服務，客人從十幾歲嘅年輕人到中年男士都有，其中印象最深刻嘅，就係去年佢哋為一班年長男士炮製驚喜。叔叔們見到咁大班索女，個個成晚都笑到見牙唔見眼。

炮製驚喜

聽落好似好過癮，究竟有幾驚喜先？原來呢個服務糅合咗整蠱元素，玩家會事先同夜總會預約，夾埋一齊整蠱某個對象，到咗嗰晚，成班索女就會殺上目標嘅屋企，等對方一開門，一班衣着火辣嘅索女就會齊齊大嗌：「Trick or Treat！」然後趁對方未回過神之際，就齊齊湧入目標屋企開Party。

雖然話男人對索女都冇乜抵抗力，但咁多年嚟有冇試過遇到啲玩唔起嘅人呢？夜總會負責人話從來未試過有唔愉快嘅場面發生，事關佢哋喺預約時，就會先問清楚對方係咪玩得之人，同埋教客人點樣鋪路引對方入甕，到咗嗰晚自然水到渠成。

極速粉飾

當一班索女同埋其餘玩家殺入目標人物屋企後，派對公司嘅工作人員就會開始做嘢，齊齊湧入屋內布置，令屋內充滿萬聖節氣氛。而貼心嘅佢哋仲會為目標人物準備搞鬼服飾，等佢唔會顯得格格不入。此外，派對公司嘅人仲會幫忙安排埋酒水同食物，絕對係一條龍服務，相當細心！

當然，搵得夜總會搞派對，班索女自然係派對嘅重點，而趁住工作人員忙於布置時，佢哋就會攬住班男士玩遊戲同吹水，最重要係佢哋一啲都唔錫身，個個熱情如火。派對有咁嘅索女坐鎮，又點會悶啫？

歡度春宵

雖然有索女一齊玩係好過癮，但對唔少男士嚟講，有冇下文先係重點。據其中一位去年玩過此項服務嘅玩家表示，要視乎所選服務套餐內有冇包括曳曳，否則玩家同索女打得火熱兼慾火焚身時，就要另外畀錢先至有得共度春宵。價錢方面有貴有平，視乎服務所需。講到套餐價錢，呢位玩家就話都幾貴，兩個鐘服務，連埋酒水同5位索女嘅全包宴，索價US$10,000，折合約HK$78,000。不過佢就補充，價錢雖然唔平，但囡囡勝在玩得夠放，加上酒水供應充足，計落都算合理嘅！