最佳女配角
老實講，如果援交妹可以選金像獎嘅話，相信我哋一定有份競逐最佳女配角。話說早幾日有個姊妹拖埋佢個客仔出嚟，同我哋幾個女仔一齊High Tea，姊妹同我哋打咗個眼色後，就向我哋介紹話呢個客仔係佢男朋友，男方聽後不知幾冧。跟往條仔趁姊妹去廁所，就問我哋知唔知女方有冇帶過其他男仔出嚟畀我哋識，一聽就知姊妹冇爆我哋係同行，唔問都知姊妹應該想劏呢條水魚，於是我哋齊齊話冇見過，我仲加鹽加醋話佢平時唔多講自己嘅嘢，從來冇帶過男朋友出嚟，而其他姊妹亦交足晒戲，畀晒反應猛點頭。個客仔聞言後更加冧，姊妹返嚟後條仔即刻大獻殷勤，睇到我哋掩住嘴笑。嗱！大家咪話我哋冇人性，見住條仔畀人劏都唔出聲，正所謂講金唔講心，咪以為我哋同班北妹一樣，沉我哋隻船，係要付出好大代價o架！