世界波：多餘花招 一試就冇Feel

世界上多餘嘅事物有好多，而好多男人上床時都會做唔少多餘事，例如問對方夠High未！其實如果對方剛才好High，一定會叫到拆天，唔High的話咪粒聲都唔出囉！如果係後者，咁仲問嚟做乜？另外，仲有好多所謂嘅花招，都大大打擊女人嘅性趣。

小弟最睇唔過眼世間嘅多餘事，例如日本AV界當中嘅《100發洗禮》系列咁，戲中出動到上百名男優輪流向女優顏射，搞到女優滿身滿面都係白汁。其實顏射幾下咪算囉，成百下咁多，浪費時間之餘，場面又單調。不過，多餘嘅床上怪招又豈止這些，美國網站College Candy早前就提及過，床上多餘行為絕對可以令女人性趣消失，到底有邊幾種呢？

1 鹹片陪襯

睇鹹片有刺激性慾之效，唔少男士更加會於上床前，偕伴侶一齊睇鹹片挑起性慾，甚至同女方跟住片中男女嘅動作去做。不過，咁做絕對係錯錯錯，唔單止因為女士一般對鹹片不感興趣，更會因為自己嘅樣貌同身材不及戲中女優而自慚形穢，如何有性趣可言？

2 一王兩后

係男人都想左擁右抱，所以唔少男人就算娶咗老婆都心思思想去包二奶。另外，亦有更加大膽嘅男人會向伴侶提議，帶另一個女人返嚟玩3P。不過，女人一向小器又容易妒忌，帶第二個女人返屋企，只會令伴侶充滿怨氣，分分鐘出動鉸剪給你去勢。

3 拘束性愛

唔少四仔為咗增加作品刺激性，都會加插SM環節，將男優或女優綁住玩弄。由於SM場面愈來愈多，亦令好多男人心思思想試一試。不過，女人好多都唔鍾意玩拘束性愛，因為被綁住後會令佢哋覺得失去自由同不安，唔係個個都願意試。

4 長途大賽

為咗增強性能力，提升閨房樂趣，中國有房中術，而外國則有Tantric Sex。據聞呢種做愛方法來自印度瑜伽，以長途交歡令男女雙方快感大增，兼且可以達到天人合一嘅至高境界。不過Tantric Sex通常要花幾個鐘，女方聽見都悶到瞓着，邊肯陪你玩？

5 欠缺溝通

好多男人以為了解女人需要，於床上主導一切動作，一定可以令女方興奮莫名。其實呢種想法好多餘，出街食飯都要問吓對方想食乜，上床做愛亦要有充分溝通先得圓滿，最好係先聆聽，後發表自己想法，以尋求出令雙方享受之道。