阿Cute精神搵老襯
話說有晚我同個姊妹喺海旁飲酒兼煲煙，點知遇到個熟客，對方見我舉止豪邁就碌大雙眼望住我，之後就走咗，第二日佢打電話畀我，話從未見過我咁粗豪嘅一面，令佢感到好意外。其實我本身性格好男仔頭，之所以喺客人面前扮斯文、扮可愛，都只係為咗滿足佢哋嘅心理啫！講真，家陣嘅男人郁啲都話啲女仔係港女，刁蠻任性，而佢哋去搵援交妹嘅目的，就係想有人當佢哋係皇帝咁服侍，如果我好似平時咁粗魯對住啲客人嘅話，肯定會好趕客啦！相反，我扮到小鳥依人咁，又錫又氹吓佢哋，仲唔冧到痹咩！所以話，做囡囡最緊要阿「Cute」，好過床上勁出招！