莫有風駛盡(巾里)
好多人以為令玩家沉得嘅船，樣靚身材正外，仲聽教聽話，任由米飯班主點搓圓撳扁都唔會發爛渣，咁就大錯特錯喇！早排我就見識過一隻勁有性格嘅船，話說嗰日同幾個Friend上深圳搵個老友食飯敍舊，老友帶埋隻船出嚟，本嚟大家食得好哋哋，點知老友飲大幾杯後，竟然喺我哋面前數隻船嘅缺點，又掉對筷子落地，叫隻船執番上嚟。條女畀自己隻佬當眾落面，梗係好唔忿氣啦，終於佢忍唔住發難兼爆大鑊，話老友早洩又有口臭之餘，仲踢爆佢有性病，嘩！畀條女數番自己轉頭已經夠尷尬，仲要畀全世界人都知道佢有性病，我哋就話坐埋一枱冇得走啫，坐喺隔籬枱嘅食客即刻評頭品足呀！所以千祈咪有風駛盡(巾里)，小心畀隻船反咬一鑊呀！