世界波:另類出路 脫星退休唔憂做

美國四仔界前輩級人馬Lisa Ann,曾經因為模仿共和黨2008年副總統候選人佩林(Sarah Palin)形神俱似而人氣急升,讓原本已經走到尾聲嘅事業,忽然有起色,唔拍四仔都可以四圍去俱樂部表演,唔知其他脫星又有冇類似嘅搵銀方法呢?

其實除咗Lisa Ann之外,行內仲有好多脫星都好有演藝潛質,佢哋扮鬼扮馬嘅潛能絕對唔比Ann姐弱。好似今日出場嘅呢4位女星,位位都係扮嘢能手,除咗拍戲之外,閒時喺屋企都成日玩角色扮演,氹得男友好開心!

Jessie Volt色情家務助理

Jessie話自己除咗做愛叻之外,做家頭細務都一樣咁掂,佢平時唔使開工,就會喺屋企洗洗抹抹,又煮得一手好菜,絕對係上得大床嘅賢內助,同居男友經常讚佢砌得又做得,邊個娶到佢真係有福。所以佢決定第日退休,就會轉行做另類家務助理,幫客人打理家頭細務之餘,仲可以幫佢哋出埋火,生意一定滾滾而來,而且兩樣都係自己強項,一定會做得好出色。

三圍:32B-24-36

身高:5呎2吋

年齡:22歲

Riley Reid四級版棟篤笑

今年只得21歲嘅Riley,距離退休日子仲有好遠,不過佢份人好有遠見,而且風趣鬼馬,成日都鍾意喺片場勁講爛Gag。所以好多行家都叫佢利用公餘時間去一啲棟篤笑俱樂部表演,如果成功的話,就可以多一條出路!不過Riley鬼咁精靈,佢話淨係做棟篤笑唔夠噱頭,所以會將色情元素融入棟篤笑表演中,令個騷更加吸引,難得佢咁有腦,第日一定唔憂冇出路啦!

三圍:34B-25-36

身高:5呎4吋

年齡:21歲

Elle Alexandra 性慾輔導專家

Elle平日做愛多過食飯,自問對性事有十足認識,雖然依家佢只係得21歲,但已經對性事好有心得,第日做多幾年,一定可以成「精」,所以佢已經同啲姊妹密友傾好晒,準備做多幾年就出去開間性慾輔導所,專門輔導有性事障礙嘅夫妻,等佢哋可以重拾性愛歡娛。幫到人之餘又賺到錢,嗰份滿足感同做脫星好唔同,而且都叫做正行,識男人都多好多選擇啦!

三圍:32A-24-34

身高:5呎7吋

年齡:21歲

Codi Carmichael 性感陪瞓天使

最近秋葉原開咗間陪瞓會所,駐場嘅陪瞓天使,都只係同客人齋瞓,唔涉及肉體交易。Codi話美國都可以照辦煮碗,搞一間健康陪瞓會,幫助成日失眠嘅病人。佢話有佢出馬,包保可以令男人瞓得特別甜,一邊談心、一邊按摩,將客人抱入懷中,令佢哋好似回到嬰兒時期咁,只要唔諗任何色情事物,自然好快就瞓得好冧!

三圍:34D-25-36

身高:5呎5吋

年齡:29歲

七瀨