今野杏南 巨乳療你心
最近可能好多香港人都同小弟一樣心情沉重，先有國教科擱而不撤令小弟擔心下一代被洗腦，之後又發生南丫島奪命海難，造成多條人命傷亡，種種負面情緒令人心情欠佳，呢個時候，最好就係欣賞今野杏南嘅寫真DVD嚟療吓傷。
今年23歲嘅杏南係近期最具人氣嘅水着妹之一，除咗因為佢擁有一副34-23-34嘅美好身材、上圍豐滿又圓渾之外，最重要係美人胚子嘅杏南，只需一個甜笑就足以撫慰大家嘅心靈，其治愈效果一直都受寫真業界稱許！
如果大家都希望心靈得到安慰，杏南最新嘅寫真DVD《anCHOBITTO》就啱晒你睇！於作品中，杏南將會換上性感火辣嘅比堅尼同內衣刺激大家嘅視覺神經，動作雖然唔算大膽、甫士亦唔淫邪，但就散發出一種健康正氣，令人睇完即時心情舒暢，煩惱盡消，壓力Bye-bye！
售價：￥2,835（約HK$281.6）