講金唔講心
有人話沉船係金錢上嘅關係，亦有人覺得船都有感情，男女之間應該有愛情嘅成分，否則又點會同你喺埋一齊呢？講真，每個人都有唔同嘅遭遇，只係阿祥卻屬於前者。阿祥喺今年年初戀上個深圳髮廊妹，呢個囡囡又靚女又斯文，最重要係身材激凸，質素上乘。初時兩人打得火熱，點知早排阿祥同個老友去酒吧飲酒，埋單時阿祥發覺自己帶唔夠錢，附近又冇櫃員機，於是Call條女出嚟幫手找數。殊不知囡囡劈頭第一句就話抵佢死，原來囡囡一直不滿阿祥畀得家用少，於是趁住呢個時候反面，呢件事阿祥終於睇清楚條女嘅為人，原來由始至終對方同阿祥一齊都係講金唔講心，最後阿祥梗係飛咗條女啦！