世界波：宣傳奇招Starlet快閃露出

乜嘢叫做Starlet？即係新進女星咁解。美國四仔界雖然每年都有唔少Starlet出道，但面對經濟不景氣，班四仔新丁惟有諗辦法，睇吓點樣可以自我宣傳，結果有班新進脫星就諗出玩快閃露出，行為出位到爆，仲引嚟唔少四仔迷熱議添！

家陣經濟環境唔好，莫講話一般小市民辛苦，就連喺美國想撈四仔脫星嘅Starlet亦覺得相當閉翳。無他嘅，美國經濟有幾差係人都知，而四仔片商為咗縮皮，以前嘅新女加新碟首映禮亦愈搞愈「削」，有時啲新作更係無聲無息就咁推出街，由得班Starlet自生自滅，於是有班新進脫星就組咗個「Naughty Starlet」團體，齊齊搞快閃露出。

行蹤飄忽

可能有人話玩快閃露出，噱頭係就係十足，但會唔會畀人拉o架？呢層大家可以同佢哋定，皆因佢哋嘅行蹤相當飄忽，每次行動前只會喺網上Post出大概位置，「有緣人」能否咁啱撞正佢哋出動完全靠運氣。而佢哋出沒嘅地方都相當廣泛，由超級市場、巴士站、停車場，到公眾廣場乜都有。

不過睇番佢哋對上幾次嘅出沒地點，都離唔開紐約、洛杉磯同邁阿密呢3個地方，算係有迹可尋！雖然佢哋話就話露出，但都唔算露得好誇張，最多只係露兩點或齋露下面一點，唔似得嗰啲玩野外露出嘅四仔作品咁，剝光豬周圍走咁離譜。

人肉搜尋

有人問呢班「Naughty Starlet」包括咗邊幾位新進脫星，老實講真係唔清楚。事關佢哋好少會Post名，冇名又唔知佢哋喺邊度出現，咁啲有興趣嘅四仔迷點樣搵佢哋？點樣達致宣傳效果？呢層大家可以放心，事關佢哋每次出現，身上總會有啲「Hints」畀大家，可以循佢哋身上嘅線索搵到佢哋嘅真身。例如早前喺8月搞嘅快閃露出，班脫星就以冇底褲絲襪為題，齊齊喺海灘上玩露出。對佢哋有興趣嘅四仔迷，只要喺成人影碟網度搜尋最新嘅絲襪露出作品，就會搵到呢班女星姓乜名乜，認真別出心裁！

褒貶參半

呢種快閃露出宣傳手法有噱頭又慳錢，仲可以引起話題，對班新進脫星嚟講正到爆，就連四仔公司都話佢哋有創意。不過呢種玩法始終唔合法，萬一惹嚟乜嘢麻煩，四仔公司未必會出面保佢哋。而且亦有部分四仔迷覺得班脫星嘅露出時間太短，事前又冇通知，搞到佢哋經常撲空，久而久之好易冇晒興趣；亦有四仔迷覺得直接送新碟宣傳更好，評價好壞參半。