世界波:年度最膠Sex-cessories大檢閱

提起情趣用品,一般人即時諗到嘅通常係飛機杯、自慰棒甚或後庭塞呢類基本嘢!查實世界咁大,情趣用品五花八門,歐美就鍾意用Sex-cessories情趣配件嚟助性!雖然性用具有助提升性快感,之不過市場上係咪每件產品都咁有用呢?網站alternet.org早前刊出一篇文章名為《The 10 Weirdest Sex-cessories》,選出本年度最「硬膠」性玩具,唔少設計只可以用匪夷所思嚟形容,小弟就精選咗其中7件畀大家欣賞,睇完得啖笑算啦!

口舌包膠

唔少男人都鍾意享受口舌服務,但其實精華嗰陣腥味唔係個個都忍受得到。呢款適用於口舌服務嘅「膠膜」,就報稱可以遮蓋異味。產品形狀如片裝香口膠,用家只要放喺脷上,再替男士作口舌服務,膠膜就會慢慢融化,暫時有朱古力、士多啤梨、西瓜味等,約可維持15分鐘。

Masque US$9.95/3片(約HK$77.6)

窺陰攝錄機

早前小弟曾經介紹過一款由日本人推出嘅窺陰器,點知原來歐美嗰邊仲激,呢款窺陰攝錄機竟然可以邊震邊拍,將女性秘道受震盪刺激嘅反應完全攝錄,有興趣進行人體探秘嘅玩家必買!

Video Voyeur Micro-Camera Vibrator US$189.95 (約HK$1,482)

醫生與你

正常人冇咩事都唔願意睇醫生,更莫講話做手術,偏偏情趣用品就將可怕嘅醫療用具變成性事用品。呢啲測試反射神經嘅Pinwheel、三角診症錘等玩意都可以喺性玩具網站搵到,據聞專供酷刑色情使用,有玩家表示會愈玩愈上癮o架!

Asylum Medical Tool Kit US$10.19(約HK$79)

神獸假棒

假如戴住卡通頭套搞嘢經已令你接受唔到,若然對方仲要笠埋支以神獸或動物概念設計嘅假陽具同你開波,係咪想一腳伸佢落床呢?生產商Bad Dragon以一系列奇形怪狀假陽具響朵,當中最受歡迎嘅係以「龍」為設計概念的,其他系列包括海馬、海龍、八爪魚等,仲可以按個人要求度身訂造添!

The Tentacle US$60起(約HK$468)

處女無限復活

好多男人都有處女情意結,可惜現今世代風氣開放,要搵個婚前未破處嘅靚女真係唔容易。有女人為咗滿足老公破處欲,只好以人造處女膜製造假象。開波前只需將人造處女膜包裝拆開,將載滿紅色液體嘅水袋放入陰道內,一經壓迫水袋就會爆開,營造落紅效果,真係呃得吓人喎!

Artificial Hymen US$29.95/片 (約HK$234)

卡通動物頭套

一般人嘅性幻想對手通常係型男索女,點估得到有人鍾意同卡通動物曳曳呢?奇就奇在呢類動物頭套愈出愈多,證明市場非常受落。有專家指用家不止戴頭套扮動物,仲連行為都要模仿埋先至玩得開心喎,呢啲算唔算心理變態呢?

Honey Bunny Latex Hood US$234.99(約HK$1,833)

性奴家務助理

大家有冇幻想過擁有一個任勞任怨嘅性奴家務助理,一邊幫你清潔打掃,一邊畀你滿足性慾?估唔到有生產商竟然推出以家居產品及清潔用品為題嘅性玩具,包括廁所刷、雞毛掃、煙灰缸等,全部可安裝在頸箍上。若然真係用嚟當前戲玩具,分分鐘未爽先整傷。

The Humiliator Gag US$130(約HK$1,014)、Toilet Brush US$35(約HK$273)、Ash Tray US$45(約HK$351)