行屍走慾之女友變屍
阿言雖然同美華感情變淡，但一聽到特別新聞話城中出現喪屍毒後，阿言即刻心繫美華嘅安全，於是拋下一樓一嘅囡囡，火速跑回家，仲用佢嘅兵器安慰驚慌嘅美華，同達高潮嘅兩人就攬埋一舊喺梳化度瞓。肥言瞓咗冇耐就醒咗，發覺長槍仲係好堅挺，仲頂住背向而睡嘅美華條股罅，睇嚟佢仲精力旺盛喎！於是阿言諗住伸手摸美華對車頭燈，摸到美華再次燃起慾火。
一夜突變
點知阿言搓極美華都冇反應，佢心諗：「唔通我唔夠大力？」於是佢決定加大少少力度，殊不知一搓之下，美華個大包竟然甩咗落嚟！阿言以為係自己嘅錯覺，決定轉向搓美華另一個大包，點知呢次仲離譜，美華個包一搓就甩。阿言即刻大叫：「唔係呀！美華，你對包甩咗呀！」此時美華慢慢轉身，更嚇到阿言瀨尿，皆因美華唔單止心口甩皮甩骨，個樣更成個死人樣咁，連嘴唇都甩埋出嚟兼露出白森森嘅牙齒。
美華慢慢爬起身，然後張開五隻長有長長指甲嘅手捉住阿言膊頭。阿言以為以佢嘅力氣應該一推就可以甩開，點知變成喪屍嘅美華竟然力大無窮。望住美華嘅指甲就嚟抓穿自己嘅皮膚，擔心會被屍毒感染嘅阿言，即刻使出全身氣力狠狠往美華心口一腳踢去。雖只能將美華踢開兩米，卻已足夠阿言拎埋衫褲走人！
鳳樓避難
逃到樓下嘅阿言早已着番晒衫褲，見到一街都係喪屍起勢追人，心諗：「頭先都唔見啲喪屍識得跑，點解家陣佢哋跑得咁快嘅？唔通啲病毒已經進化？」呢個時候突然有隻喪屍衝入大廈嘅大堂，張牙舞爪想咬阿言。阿言見狀即踢出一記側踢，將喪屍踢開半呎，然後一個彎腰往前衝，恰好避過喪屍嘅反擊。
阿言漫無目的狂奔，遇到喪屍就踢，見到喪屍就避，一路跑呀跑，竟然跑返去頭先幫襯過嘅鳳姐樓下。阿言此刻已跑到虛脫咁滯，於是佢決定到樓上鳳姐單位避難。點知佢一上到去，就見到有隻喪屍狂抓鳳姐門口，阿言即刻擸起擺喺地上嘅水喉通朝喪屍頭上扑去，竟然輕易地扑爆佢個頭，仲撻喺地上郁都唔郁。阿言勁拍鳳姐門口叫道：「係我呀！你快啲開門啦！」帶着兩行清淚嘅鳳姐將阿言扯入屋後，就攬住佢勁喊……（待續）