追夢美女李彥樂
喺內地要做歌星真係唔容易，每年有咁多歌唱比賽，三甲人馬一籮籮，加埋音樂學院嘅畢業生，人才多不勝數，要突圍而出，就要想想辦法。嚟自成都嘅靚女李彥樂，於2008年喺四川音樂學院聲樂系畢業後，一直想做歌星，可惜苦無機會，及後佢投身模特兒界，憑住俏麗外表以及高挑身材而火速走紅，喺短短幾年間拍攝過唔少時裝及婚紗照，成為人氣名模。近年彥樂轉戰到上海發展，事業更上一層樓，但原來佢並冇放棄過音樂夢，閒時會將自己錄製嘅翻唱作品放上網，結果反應唔錯，點擊率數以萬計，更獲得一間唱片公司垂青簽佢做歌手，睇嚟好快就會出碟圓歌星夢喇！希望彥樂，繼續拍多啲靚相，尤其係性感寫真，阿妹咁有本錢，行性感路線一定更紅啫！
李彥樂Profile
出生地：成都
三圍：33-23-34
身高：172cm
興趣：唱歌