等到火滾
若然囡囡遲到嘅話，客人一定會詐型，所以我每次都會早到10分鐘。相反，客人遲到的話，又會點呢？如果係生客，我會打畀佢話下次再約過；熟客嘅話，只要對方唔遲到超過一粒鐘，我都會等。不過，早排就真係畀個熟客激死呀！話說佢約我夜晚8點喺尖沙咀一間酒店交易，點知我上到房等咗大半個鐘，佢都未出現，於是我打電話畀佢，佢話紅隧勁塞車，叫我等多佢15分鐘。點知過咗半個鐘，佢都仲未到，等到我都有啲滾滾哋，呢個時候我收到佢嘅電話，佢話已經到咗尖沙咀，不過去咗Shopping，叫我再畀多15分鐘佢，結果過咗20分鐘佢仍然未上嚟，呢次我真係火都嚟，於是打畀佢話取消約會，我同佢講：「先生，你咁唔守時，下次再約過啦！」之後我就將呢個熟客Black List咗！