世界波：性慾殺手 女星終極狂數

四仔女星做愛比常人多幾倍，平時收工後，見到男友想再次燃起性慾，都唔係咁易。不過若然男友識做，懂得製造氣氛的話，女星都一樣奉陪到底嘅！可惜10個男人9個都唔知情趣為何物，幫唔到手不特止，仲成日做性慾殺手，搞到好多女星們胃口大降！

其實所謂性慾殺手，即係令女人性慾大降嘅行為，好多男人都盲舂舂做齊晒，但自己又唔知喎！不如聽吓今日出場嘅4位女星，逐一品評佢哋心目中最怕嘅性慾殺手，令男士們引以為鑑。

Paris Dahl 滿口煙味最倒胃

Paris話一向最怕聞煙味，就算係拍戲對手，佢都會事前問定對方食唔食煙，如果食的話，都要佢食定香口珠先准埋位，因為佢一旦聞到對手個嘴有煙味，就會想作嘔，咩性慾都冇晒。所以做得佢男友，就一定唔可以係煙民，因為香煙對佢嚟講，就等於性慾殺手，將佢嘅性慾殺得一乾二淨。

Profile

三圍：34B-24-33

身高：5呎1吋

年齡：26歲

Rilee Marks 洩慾工具一刀切

Rilee話佢平時拍四仔，已經要對住男優日砌夜砌，為咗工作佢當然要盡力投入，就算有高潮反應，始終都只係純粹洩慾，心靈上唔會因此而滿足！所以返到屋企，對住自己揀嘅男友，就一定唔可以有純粹洩慾嘅感覺，如果對方當佢係洩慾工具的話，佢一定會發火，更即時慾火全消，甚至一刀兩斷都有之。

Profile

三圍：34C-24-32

身高：5呎4吋

年齡：21歲

Loni Evans 要求多多踢落床

Loni話拍攝嘅時候，導演喺現場已經要求多多，拍場床上戲，隨時要拍幾粒鐘，體力透支唔在講，性慾都一定會透晒支。所以返到屋企，男友一定要識做，盡量要滿足佢為先，唔可以仲要求玩花式、玩道具，又話要扮鬼扮馬等等。佢遇上呢啲情況，一定會踢對方落床，冇得做愛不特止，仲要佢成晚做廳長，直至知道自己錯喺邊，先可以返入房瞓！

Profile

三圍：36DD-25-36

身高：5呎2吋

年齡：22歲

Malibu 唔肯戴套冇愛做

Malibu話自己做得四仔女星，開工時會做足防禦措施，而且每個月都會去做檢查，比平常人仲安全！不過身為女星男友，更加要愛惜佢嘅身體，因為呢副係搵食架生，唔可以出事，所以戴套係必須而合理嘅！如果男友唔肯戴套的話，佢就會立即熄晒火，即時拒絕做愛，無論對方點樣氹佢，都唔會心動！

Profile

三圍：36B-25-36

身高：5呎3吋

年齡：32歲