囡囡好慳家

阿忠打份月入萬二嘅牛工,份糧有一半都係用嚟嫖,早排聽到佢講,話喺深圳沉船添!好多朋友都勸佢快啲跳船,因為佢搵朝唔得晏,份糧好快就清倉,有啲朋友講得絕啲嘅,更話若然佢溫女溫到冇晒錢,一定唔會借錢畀佢囉!點知阿忠好維護條女咁話:「其實養女都唔係好貴,最緊要係對方肯唔肯同你慳啫!」跟住阿忠就計條數出嚟,佢租咗間月租一千嘅房仔,畀四千囡囡做家用,而囡囡好慳家,每個月竟然可以慳到千零蚊,仲同阿忠開咗個聯名戶口儲錢,全部加埋嘅使費只係五千,計埋佢喺香港租嘅套房同生活費,雖然係就係冇乜錢剩,卻換嚟囡囡嘅關懷同呵護,阿忠話真係值番晒!見到阿忠個冧樣,又真係幾戥佢開心,只係知人口面不知心,唔好嘅嘢我見得太多,希望佢最後能得善果啦!

錨王